peel penyokong kelate

sebenarnyo malah nok tulih masalah masalah hok melibatkan penyokong kelate nih.. tapi gak, nok wak guano.. mugo puah dok sajo.. .

asal bunyi namo penyokong kelate.. majoriti seluruh negeri di semenanjung malaysia kenal doh peel guano.. kerah pedal.. panah bare.. ado belako...

tu hok cerito alik lua.. hok melibatkan pertembungan duo negeri berbeza..

tok payoh gi jauh jauh.. hok mnano beso gi stadium sultan muhammad ke-IV pon tau berapo peel ore kito ni lagu mano...

contoh mudoh...

• majoriti hok gi stadium tok solat... jak pagi pah gelap pah kelik dumoh.... (hok mano menafikan pendapat kawe ni dio golongan minoriti, tahniah untuk mereka)
• bbadi dok juoh samo penyokong... samo sendiri.. tambah pulok kalu hok masuk lalu kok bowoh laluan tu ore ttino atau pasangan bahagia... (ccolek krepok, bekas air, n mace mace lagi pasti terbe menuju sasaran..
• dok bergocoh samo sendiri, pasal ggapo.. tu pasal contoh hok kawe oyak alik atah tu..

ni contoh mudoh hok buleh ambo oyak.. tu melibatkan samo samo penyokong kelate tuh.. peel tok ceridik lasom.. nok banding nga ggapo pon tok tau lah.. nga kkuro katup kali.. .dok ppon beruk..

pahtu bilo ado kejadian melibatkan pertembungan duo pihok.. duo negeri berbeza... oo negeri kelate laa hok dizalimi, negeri kelate la hok media selalu salohke, negeri kelate la hok sokmo keno dendo ko FAM.. kah kah kah..

pah dok kutuk pulok demo tu pasal wak cerito huduh ko kelate, padahal semuanya bermulo dari ore kelate sendiri..

ambik contoh mudoh lagi. maso final piala malaysia hok kelate kaloh ko negeri sembilan tuh.. pasal penyokong kelate dok bakar banner n bakar kusi tuh.. bakpo dok ssaloh ko media pasal dok ule taye hok tulo jah berito tu.. nok napok ore kelate ganah n tok bertamadun, merosakke harto bendo awam...

kalu aku jadi wartawan n reporter pon aku tulih, ore kelate bodo mari mmano nih.. jenih tok beso jjupo api bokali.. abih bendo nok bakar...

kalu insiden male tu penyokong kelate buleh kontrol emosi, tok terjadi benda tu semua.. meme semo raso kecewa nga kekalahan male tu..

samo jugo insiden ketiko melawe negeri sembilan di koto bharu.. abih hangus terbakar kereto polis nga trak.. tapi hok tu takpo.. pasal polis bodo etep.. buto mato penyokong kelate keno tembakan gas pemedih mato... pah dituduh memberontak n mengganas.. polis gom..

pendek kato.. sebelum kato ko ore negeri lain tu.. kaji n muhasabah dulu diri puok puok kito setaro mano.. samosendiri pon nok berkekoh.. lagikan nga negeri lain..

kah kah kah..

pakat pikir la belako neh...